Fituesi i provave zyrtare të garës së parë sezonale në Formula 1 është po ai, Lewis Hamilton, që me Mercedes-in e tij ka arritur kohë të papërmbysshme nga rivalët.
Sa herë që britaniky ka dalë në pistë në sesionin e tretë të provave zyrtare, ka arritur ta përmirësojë kohët e tij, duke garantuar kështu nisjen i pari nga starti të dielën.
Në formë dhe makinat Ferrari, që kanë mundur të prishin dominimin e Mercedes-it e të futen në mes tyre. Vettel në xhiron e fundit është renditur i dyti, duke lënë pas Bottas-in, finlandezin që është në sezonin e tij të parë te Mercedes-i.
Katërshen e parë e mbyll Raikkonen, që ka patur një kohë goxha më të dobët se tre të parët.
Përtej tyre, pilotët e tjerë të dhjetëshes së parë vijnë kësisoj nga pas, nga vendi i pestë: Verstappen, Grosjean, Massa, Sainz, Kvyat dhe Ricciardo. Ky i fundit doli nga pista dhe u përplas në muret mbrojtëse, duke mos regjistruar asnjë kohë e duke ndërprerë provat për pak minuta. /tesheshi.com/
