Mos flini asnjëherë të zemëruar. Tani ka prova shkencore të cilat vërtetojnë se është e vështirë të fshihen kujtimet e këqija nëse flini me to.
“Rezultatet janë me interes të madh për trajtimin e problemeve klinike të lidhura me kujtimet e padëshiruara, kujtimet e ngjarjeve traumatike etj”, tha Christoph Nissen i universitetit të Freiburg Medical Centre në Gjermani.
Në studim, 73 studentë meshkuj memorizuan 26 foto, secila e shoqëruar me një imazh të rëndë si trupa të gjymtuar, fëmijë që qajnë etj.
Ditën tjetër u pyetën që t’ i kujtonin imazhet e rënda dhe të mundoheshin në mënyrë aktive që të përjashtonin kujtimet e pjesës tjetër të imazheve.
Më pas, grupit iu kërkua që të memorizonte 26 foto të tjera me pamje të pakëndshme. Gjysëm ore më pas, ata përsëri risillnin më mendje imazhet e fotove të para, duke ndrydhur pjesën tjetër në mënyrë aktive.
Në fund, atyre iu kërkua që të përshkruanin imazhet e lidhura me 52 fotot e paraqitura. Ideja ishte të shihej nëse përpjekja për të ndrydhur kujtimet e këqija funksionon më mirë para gjumit.
Pjesëmarrësit u munduan që t’i harrojnë imazhe e ditës së parë, por rezultoi se gjumi e vështirësonte këtë proces. /tesheshi.com/
