Një aparat për dhëmbët i cili mund t’ju ndihmojë tqë dobësoheni duke ju bërë që të mos ndieni sensin e urisë. Quhet DentaSlim-Up dhe është frut i një kërkimi italian i realizuar nga biologia Roberta Carotenuto, i cili lejon uljen e peshës së trupit pa ndjekur kura apo dieta drastike. Shpikja e re është një protezë e cila limiton gjuhën gjatë përtypjes së ushqimit dhe rrit kohën e nevojshme për të copëtuar ushqimin.
Problemi i gjuhës – “Prej vitesh jam marrë me shumë seriozitet me çështjen e obezitetit dhe të mbipeshës. Ideja e krijimit të një pajisje bazë ishte të projektonim një sistem që të mund të limitonte lëvizjet e gjuhës gjatë përtypjes së ushqimit dhe të ulnim volumin e ushqimit që kalon në gojë, duke e bërë përtypjen më të ngadaltë dhe duke rritur kohën që duhej për të përtypur ushqimin”,- thotë Carotenuto.
Të hash me qetësi – Zakoni i të ngrënit shpejt, pa e përtypur në mënyrën e duhur ushqimin, është një nga arsyet kryesore të shëndoshjes dhe të problemeve me tretjen. Proteza e re e krijuar sëfundmi ndikon në nivelin e kafshimit dhe të përtypjes, duke frenuar zakonin e kalimit të ushqimit në mënyrë të shpejtë dhe pa e përtypur mirë. Ndër të tjera, ky sistem favorizon ushqimin në mënyrë të duhur, duke qenë se e bën të vështirë konsumimin e ushqimeve që kanë kalori të shumta si ëmbëlsirat, buka apo pica (pra, me këtë protezë, këto ushqime kafshohen dhe përtypen me më shumë vështirësi).
Luftë kundër obezitetit – “Shpesh, ata që vuajnë nga obeziteti hanë në mënyrë të shpejtë dhe nuk ndihen të ngopur. Kjo është arsyeja që më erdhi në mendje të krijoja diçka që mund të ndihmonte duke nisur nga goja”,- shpjegon Carotenuto. Deri më tani 1.9 miliardë persona në të gjithë botën janë prekur nga obeziteti dhe mbipesha. Kjo protezë mund të përdoret nga të gjitha moshat që janë të prekura nga këto dy lloj ‘sëmundjesh’ dhe jep rezultate të dëshiruara./tesheshi.com/
