Protestues anti-kapitalistë zviceranë marshuan dje në disa qytete duke protestuar kundër Forumit Ekonomik Botëror (WEF) në Davos, por edhe për shkak të ardhjes së Donald Trump-it në forum (pritet të arrijë të premten). “Le të shkatërrojmë WEF-in!” dhe “Trump nuk është i mirëpritur”, janë dy sloganet kryesore.
Dhe ndërsa numri më i madh i protestuesve u mblodh në Zyrih, një nga protestat më të rënda u zhvillua në qytetin alpin të Davosit, ku ata u përplasën me policinë dhe arritën të çajnë kordonin e sigurisë.
Më vonë, megjithatë, policia mori kontrollin e situatës, dhe 20 protestues të cilët mbetën në anën e policisë u arrestuan.
Davos është “nën rrethim” të forcave të sigurisë, ku më shumë se 4.000 ushtarë dhe 1.000 policë ndodhen aktualisht në qytet. Ky është pa dyshim një numër i madh, duke pasur parasysh se ky qytet alpin ka vetëm 11,000 banorë. /tesheshi.com/
