Mijëra qytetarë i janë përgjigjur thirrjes për protestë gjithëpopullore të partisë opozitare Aleanca për Ardhmërin e Kosovvs (AAK), në shenjë kundërshtimi ndaj mbajtjes “peng” të Ramush Haradinajt në Francë, pas një fletë-arresti të lëshuar nga Serbia.
Protestës që u mbajt në sheshin “Skëndërbeu”, para qeverisë i janë bashkangjitur edhe deputetë të PDK-së, Vetëvendosje-s dhe NISMA-s, përfaqësues të shoqërisë civile, si dhe ish-amabsadori i Amerikës në Kosovë, Uilliam Walker.
Ky i fundit ka folur para protestuesve duke e cilësuar si trup, atë që ka ndodhur me liderin e AAK-së.
“Njeriu në fotografinë prapa meje (Ramushi) është një mik i mirë i imi dhe do të jetë edhe në të ardhmen pavarësisht se cfarë do të ndodh. Duat të them diçka nga zemra, jam këtu të shpreh solidaritetin timme Ramush Haradinaj dhe të gjithë njerëzit nga Kosova. Kam menduar se sistemi i drejtësisë në Frnancë është sistemi më i mirë i drejtësisë në botë. Por kjo që ka ndodhur me heroin e Kosovës për mendimin tim është turp”, është shprehur Uoker.
Pas këtyre fjalëve turma filloi brohoritjet: “Ramushi” dhe “Ramushi është Kosova”.
Protestuesve u ka dërguar një mesazh përmes zërit edhe Ramush Haradinaj i cili u ka thënë se e drejta do të fitojë pavarësisht vështirësive që po ballafaqohet.
“Fitorja arrihet nëse qëndrohet në rrugë të drejtë dhe punohet për të mirën e Kosovës”, ka deklaruar ai. Me këtë rast, Haradinaj ka falënderuar gjithë ata që kanë marrë pjesë në protestën e sotme.
Ndërsa sekretari i NISMA-s, Jakup Krasniqi ka bërë thirrje që Franca të mos mbështetet në akuza të rrejshme të regjimit të Beogradit në raport me Haradinajn, duke thënë se pafajësia e tij është dëshmuar disa herë.
“Jemi këtu bashkë për ta mbrojtur Rmushin nga akuzat e gënjeshtërta të regjimit të Beogradit që janë kursifur edhe për Ramushin edhe për Kosovën dhe të ardhmen e saj prandaj kërkojmë nga drejtësia e Francës që të mos mbështetet në akuza të rrejshme që ka kurdisur jo vetëm sot politika në Beograd ndaj shqiptarëve në përgjithësi dhe Ramushit në veçanti”, tha Krasniqi.
Haradinaj ndodhet në Calmar të Francës prej dy muajsh i ndaluar në bazë të një flet-arresti të lëshuar nga Serbia. Vendimi është shtyrë për 6 prill. /tesheshi.com/
