Kryeqyteti maqedonas, Shkup po zjen nga një tjetër protestë antiqeveritare. Janë organizatat joqeveritare ato që kanë dalë kundër dyshes në pushtet, VMRO-BDI, me mbështetjen e pothuajse të gjitha partive opozitare, si nga blloku politik maqedonas ashtu edhe nga blloku politik shqiptar, duke iu kundërvënie pra regjimit të partive në pushtet,
Si asnjëherë më parë, maqedonasit dhe shqiptarët po ndjehen si bashkëqytetarë me mision të përbashkët, andaj nuk mungojnë edhe flamujt e bashkuar të kombëtares shqiptare me atë të Maqedonisë.
Protesta po zhvillohet para zyrave të Prokurorisë Speciale, ku janë mbledhur me mijëra protestues për t’i dhënë mbështetje këtij institucioni të pavarur që të vazhdojnë punën e tyre me hetimin e gjithë funksionarëve politikë të inkriminuar.
Marshi protestues për momentin është duke qëndruar para zyrave të BE-së, në qendër të Shkupit, meqë janë të penguar nga forcat policore që të vazhdojnë marshin e tyre në drejtim të Kuvendit, në mënyrë që të evitohet ndonjë konflikt eventual, pasi që para Kuvendit tashmë kanë dalur në kundër-protesta edhe disa militantë të partisë maqedonase në pushtet.
Ndërkohë vazhdojnë brohoritjet nga masa e protestuesve kundër regjimit me këto parulla: “Revolucion laraman”, “Nuk ka falje për kriminelët”, “Shtet policor”, “Mbështetje për PSP-në”, etj. /tesheshi.com/
