Mijëra njerëz në Kale planifikojnë të bllokojnë rrugët kryesore, në një përpjekje për të përshpejtuar mbylljen e kampit të emigrantëve, të njohur tashmë si “xhungla”.
Protestuesit, mes të cilëve shoferë kamionësh, punëtorë porti, bujq e tregtarë, kërkojnë të formojnë një zinxhir njerëzor në rrugën për në port.
Kryetarja e bashkësisë së Kalesë, Natacha Bouchart, lë të kuptohet se do t’u bashkohet protestuesve, duke e quajtur situatën të papërballueshme. Kjo do të jetë protesta më e madhe e banorëve lokalë për mbylljen e “xhunglës”.
Autoritetet lokale u kanë kërkuar atyre që synojnë të udhëtojnë ta shmangin zonën, për ta kufizuar pështjellimin që do të rezultojë nga bllokimi i kësaj të hëne, që synon paralizimin e trafikut në rrugët drejt portit dhe Eurotunelit.
Kampi i emigrantëve në Kale ka të ardhur nga Lindja e Mesme dhe Afrika. Numri i emigrantëve në kamp raportohet të jetë më së paku 7.000, por pretendohet që ata të jenë shumë më tepër.
Ministri i Brendshëm francez deklaroi tre ditë më parë se kampi do të mbyllej gradualisht, por protestuesit kërkojnë një datë të saktë për mbylljen e tij. /tesheshi.com/
