Fermerët francezë bllokuan kalimin e kamionëve që importojnë produkte nga Gjermania dhe Spanja, në një protestë kufitare për atë që ata e cilësojnë konkurrencë e pandershme.
Fermerët parkuan traktorët e tyre për të bllokuar disa rrugë në afërsi të kufirit dhe protesta të tilla kanë ngatërruar trafikun në Francë për të paktën një javë.
Të paktën gjashtë rrugë që lidhin Francën me Gjermaninë u bllokuan në rajonin e Strasburgut vetëm këtë të hënë. Vetëm makinat lejohet të kalojnë rrugën.
Fermerët francezë janë goditur nga ulja e konsumit të mishit, reduktimi i kërkesës nga Kina dhe nga ndalesa ruse për prodhimet e BE-së.
Qeveria socialiste vlerëson se gati 10 për qind e fermerëve francezë janë drejt falimentimit.
Mënyra e protestës së fermerëve ka vendosur gati një shtetrrethim në kufijtë e Francës, sikundër raporton AFP, me dhjetëra kamionë që mbërrinin nga Spanja janë bllokuar në kufi. /tesheshi/
