Mijëra qytetarët maqedonas kanë zbritur sërish në sheshet e Shkupit për të protestuar kundër ndryshimit të emrit, diktuar nga Greqia, por gjithashtu dhe kundër ligjit të gjuhëve që e shndërron shqipen në zyrtare, marrëveshjes së fqinjësisë së mirë me Bullgarinë, si dhe për lirimin e të arestuarve për ngjarjet e 27 prillit.
Si gjitnjë ka qenë Kongresi Botëror Maqedonas organizator i protestave. Aty u kërkua që të ndërpriten negociatat me Athinën, duke i bërë thirrje pushtetit që të heqë dorë nga ndryshimi i emrit.
Parrulla kryesore në protest ishte “Ne jemi Maqedonia”.
Nga ana tjetër, mediat greke kanë shkruaur se propozimi më i fundit i Athinës është ai për një fjalë të vetme si emri i ri i Maqedonisë. Edhe nëse do jetë, fjala vjen, “Gorna Makedonija” -Maqedonia e Epërme – kjo do mundësohet si si fjalë e vetme dhe jo e ndarë, sipas Nea Selida. Madje sipas kësaj gazete, emri ri mund të jetë thjesht dy iniciale GO ose GM. /tesheshi.com/
