President Trump, për të cilin përflitet se dhe është strehuar në bunker gjatë protestave të dhunshme të së hënën, kur ato u zhvilluan dhe Uashington, dha një deklaratë për gazetarët dukeu përbetuar se do të dërgojë një ushtri dhe do të shuajë çdo trazirë në vend.
Ai pozoi dhe bëri foto para një kishe të dëmtuar që ndodhej afër Shtëpisë së Bardhë.
E në mënyrë që Trump të ishte në gjendje të bënte një foto në paqe me Biblën në dorë, policia duhej të shpërndante protestën paqësore. Ata përdorën gaz lotsjellës dhe të ashtuquajturat një “granatë shoku” për të larguar protestuesit që nuk ishin të dhunshëm, siç pretendohet në një video të publikuar nga New York Times.
https://twitter.com/i/status/1267638330654625794
Pas mbërritjes, Trump u fotografua me Biblën në dorën e djathtë, përpara Kishës Episkopale të Shën Gjonit dhe media lokale raportuan se kjo zemëroi peshkopin. Në të njëjtën kohë, shumë pretendojnë në Twitter se Trump e mbajti Biblën – me kokë poshtë.
“Trump e mban Biblën si një njeri që nuk e ka parë kurrë më parë,” shkroi Joe Scarborough në Twitter.
Së bashku me Trump, Kryeprokurori i SHBA-së William Barr pozoi para kishës.
Dhe pasi Trump kërcënoi të dërgojë trupa trazirat vazhduan në të gjithë vendin.
Kujtojmë, protestat dhe trazirat filluan pasi afrikano-amerikani George Floyd ndërroi jetë kur një oficer policie ia shtypi qafën me gju ndërsa shtrihej në tokë. /tesheshi.com/
