Një protestues 20-vjeçar ka humbur jetën në Venezuelë pasi u qëllua në kokë. Lajmin e bënë të ditur autoritetet sipas të cilave, bilanci i të vdekurve nga protestat njëmujore është rritur në të paktën 37 viktima.
Hecder Lugo u vran gjatë luftimeve midis demostruesve dhe forcave të sigurisë në Valencia, ku u plagosën edhe katër të tjerë.
Zyra e prokurorit të Shtetit që mban bilancin e viktimave që nga nisja e protestave kundër presidentit socialist, Nicolás Maduro, në fillim të prillit, konfirmoi se vdekja e të riut erdhi pasi u qëllua në protestë.
717 persona të tjerë janë plagosur dhe 152 janë ende në burg nga qindra njerëz që janë shoqëruar në protestat masive në të gjithë vendin. Incidente të shumta janë raportuar në të gjithë vendin. Në një prej këtyre incidenteve, simbolizmi ka qenë domethënës, pasi një grup të rinjsh shkatërruan statujën e liderit të ndjerë, Hugo Chávez në shtetin e pasur me naftë të Zulias. Videoja e sulmit ka qarkulluar në rrjetet sociale që prej së premtes mbrëma. /tesheshi.com/
