Një grua u qëllua për vdekje dhe dhjetëra janë plagosur në kryeqytetin Karakas të Venezuelës, në përleshjet mes mbështetësve të opozitës dhe forcave pro-qeveritare.
Ushtria gjuajti me ujë dhe gaz lotsjellës demonstruesit antiqeveritarë, ndërkohë që udhëheqësi i opozitës Juan Guaido e quajti qeverinë përgjegjëse për vdekjen e gruas 27 vjeçare.
Ai gjithashtu u kërkoi të punësuarve publikë të hyjnë në grevë, si shenjë përpjekjeje për ta detyruar Presidentin Nicolás Maduro që të japë dorëheqje.
Në janar, Z. Guaido shpalli veten udhëheqës të përkohshëm të Venezuelës dhe është i njohur si i tillë nga më shumë se 50 vende, përfshirë Shtetet e Bashkuara, Mbretërinë e Bashkuar dhe shumica e vendeve të Amerikës Latine.
Si kreu i Asamblesë Kombëtare të kontrolluar nga opozita, ai u thirr në kushtetutë për të marrë postin e presidentit të përkohshëm, duke argumentuar se rizgjedhja e z. Maduro vitin e kaluar ishte jo legjitime.
Por Z. Maduro – i cili mbështetet nga Rusia, Kina dhe udhëheqësit e ushtrisë së Venezuelës – ka refuzuar të dorëzojë pushtetin. /tesheshi.com/
