Televizioni shtetëror i Iranit theksoi sot se 9 persona janë vrarë për dy ditë në demonstratat që kanë përfshirë vendin prej 6 ditësh.
Rritet kështu në 20 numri i viktimave që prej ditës së parë të protestave, të cilët kanë nisur me kërkesa ekonomike por çdo ditë e më shumë po profilohen si pjesë e një lëvizjeje politike.
Siç bën të ditur televizioni publik, 6 persona janë vrarë ndërsa ata po sulmonin një stacion policie në Qahdarijan.
Po sipas TV shtetëror, përplasjet kanë ndodhur kur protestuesit kanë dashur të merrnin armë.
Ndërkaq, edhe një fëmijë 11 vjeç, i cili po kalonte rrugën është vrarë në Khomeinishahr, ndërkohë një anëtar i Gardës Revolucionare është qëlluar në Najafabad.
Pra protestat dalëngadalë po kthehen edhe në një përplasje civile.
Nga SHBA, ka pasur disa reagime që mbështesin protestat. Zv.presidenti Mike Pence, Ish-Sekretarja e Shtetit, Hillary Clinton, ambasadorja amerikane në OKB, Nikki Haley, vajza e Trump etj., kanë përkrahur pjesëmarrësit në to. /tesheshi.com/
