Kryeministri hungarez Viktor Orban, është përballur së fundi me protesta të fuqishme të njerëzve që vërshuan në rrugë, të irrituar kundër një ligjit të ri të punës, si dhe një ligj të ri mbi gjykatat administrative.
Më i debatueshëm ka qenë ligji i punës, pasi shton orët e punës pas orarit. Sipas Orbanit, kjo është nevoja e tregut dhe u jep shansin shumë individëve e familjeve që të rrisin të ardhurat e tyre nëse kanë fuqi e mundësi.
Sa për ligjin e gjykatave, nga kundërshtarët aludohet se ai forcon edhe më shumë pushtetin e tyre me rrezik abuzivitetin.
E megjithatë, rreth tre mijë protestues u mblodhën rreth parlamentit në Budapest, bllokuan trafikun në një prej urave mbi Danub duke brohoritur “Dirty Fidesz” dhe “Orban të shkojë në ferr.”
“Unë erdha për të treguar gishtin e mesëm për qeverinë”, tha një student.
Hungaria, nën drejtimin e të djathtit Viktor Orban po përjeton një bum ekonomik, pavarësisht stilit të tij autoritatist në qeverisje, e gjithashtu paçka raporteve të tij acaruese me Brukselin. /tesheshi.com/
