Deputetë të mazhorancës arritën që të mblidhen për seancë plenare sipas kalendarit të Kuvendit, nën trysninë e protestës së opozitës jashtë parlamentit.
Kryeministri Rama, tha se i duhet të largohej për një vizitë në Itali, e ndaj i duhej të merrte fjalën i pari.
“Po e marr fjalën i pari sepse më duhet të largohem për të shkuar matanë detit dhe për të shpjeguar për fqinjët e Italisë se çka lajmet kanë shfaqur me ato pamje të shëmtuara nuk është një protestë popullore, por një reagim brenda pallatit të politikës nga ajo pjesë e tërësisë së përfaqësisë politike të popullit që për asnjë moment nuk pati sensin e realitetit mbi vetveten në radhë të parë”, deklaroi i pari i qeverisë.
Më tej ai shtoi se “ajo që ndodh sot është vijimi i një rruge pa krye ku e vetmja gjë e re është një vendim politik vetëvrasës së udhëheqjes së opozitës. Jemi në kushtet e një sezoni të ri të një seriali të njohur”. /tesheshi.com/
