Në Shkup të Maqedonisë, më 13 qershor janë parashikuar të mbahen disa protesta, për të cilat, Bilall Kasami tha në to do të marrin pjesë mbi 10 mijë qytetarë, ndërsa bëri me dije se organizimi është duke rrjedhur sipas asaj që është planifikuar,
“Në protesta presim të ketë mbi 10 mijë qytetarë shqiptarë të Maqedonisë. Protesta do të fillojë nga komuna e Çairit dhe do të përfundoj para qeverisë së Gruevskit. Bashkëpunimi me partitë tjera është në nivel. Ne deri tani kemi përkrahje publike dhe bashkërendim të aktiviteteve me partinë më të vjetër shqiptare në Maqedoni, PPD, e cila, kohët e fundit është aktivizuar në skenën politik. Kemi paraqitje publike për përkrahej të protestës, nga liderë të partive politike të cilat janë më të vogla e që nuk janë parlamentare”, ka deklaruar Kasami në emisionin “Rrokum”.
Ai mohoi çdo lloj bashkëpunimi me liderin e opozitës, Zoran Zaev, duke u shprehur se kjo protestë duhet të jetë një “ofertë shqiptare për zgjidhjen dhe daljen nga kriza dhe nga ngërçi politik që ka kapluar Maqedoninë”.
