Një ditë tjetër protestash ka qenë sot në Francë, teksa sindikatat i nxorën përsëri njerëzit në rrugë që të ngrejnë zërin kundër reformës së re të punës.
Ky ishte marshimi i dhjetë kundër reformave në tregun e punës, pjesë e një fushate tremujore, gjatë së cilës shpesh ato kanë degraduar në dhunë.
Edhe pse pati disa incidente periferike, marshimi i sotëm ishte paqësor. Policia arrestoi e pakta 85 persona para nisjes së protestave.
Shifrat e pjesëmarrjes dallojnë mes atyre të dhënë nga policia e atyre të deklaruara nga sindikatat. Policia flet për 19.000 gjer në 20.000 pjesëmarrës në protestën e Parisit, kurse sindikatat thonë se 60.000 ka qenë numri i manifestuesve.
Marshimi do të ndalohej fillimisht, por vendimi do të anulohej pas një kundërshtie masive publike.
Me gjithë protestat e vazhdueshme për reformën e punës, presidenti francez, Francois Hollande, e ka bërë të qartë se nuk do të ketë kthim pas. /tesheshi.com/
