Protesta studentore është rrudhur akoma më shumë në ditën e dytë të saj për 2019-ën.
Para kryeministrisë janë shfaqur vetëm një numër i kufizuar syresh, nga ata më stoikët, të cilët nuk marrin në konsideratë asnjë prej lëvizjeve të kryeministrit me ofrimin e Paktit për Universitetet, ku janë dhe zgjidhjet për një pjesë të 8 kërkesave, ndërsa për të tjera pritet një diskutim për të arritur në një konsensus.
Flitet për një pjesë studentësh që kanë pranuar të kthehen në auditore, ndërsa nga një pjesë thonë se protesta do vijojë thjesht me bojkot leksionesh.
Një ditë më parë, kur dhe protesta ristartoi, pati disa “incidente”, siç kyçja apo gozhdimi me forcë i dyerve të disa fakulteteve. Por nga ana tjetër, protesta u rrudh dhe në kohë, duke zgjatur vetëm disa orë dhe ndërperë më pas, edhe në mungesë të një masiviteti. /tesheshi.com/
