Protesta studentore ka rifituar dinamikën e pak ditëve më parë me fillimin e javës, e përqëndruar tashmë përballë selisë së kryeministrisë. Studentët janë tubuar duke patur si lejtmotiv të njëjtën thirrje “Plotëso 8 kërkesat, nuk duam dialog”, duke kërkuar njëherësh që politika të qëndrojë larg saj.
Nga ana tjetër, kryeministri Rama ka bërë të njëjtën ftesë rutinore për dialog, por me fjalë të tjera.
“Sharrat e Doktorreshës dhe britmat në gjumë të Artistit, e gjymtuan si s’ka më keq protestën tuaj! Por unë dhe ju që s’jeni më aty, jo vetëm që s’do t’i lemë pa adresuar ato 8 pika, po do të bëjmë shumë më shumë se aq SE BASHKU. Ditët po na ikin shpejt e festat po vijnë, prandaj mos rrini po dukuni dhe t’ia nisim punës me Dialog Bashkëpunim Këmbëngulje për Universitetin”, shkruan Rama.
Risi në protestën e së hënës, ka qenë lëshimi i tymueseve por pa efekt anarkik. /tesheshi.com/
