Qindra argjentinas protestuan të mërkurën, duke kërkuar përgjigje për vdekjen e Diego Maradonës, pasi ekspertët u takuan më parë këtë javë për të hetuar se si legjenda e futbollit vdiq dhe nëse kishte ndonjë pakujdesi shëndetësore që çoi në vdekjen e tij vitin e kaluar.
Protestuesit në një tubim në Buenos Aires kishin veshur fanella, parulla dhe flamuj argjentinas me imazhin e Maradonës.
“Ai nuk vdiq, ata e vranë atë!”, pretendon organizatori i tubimit në materialin e publikuar në rrjetet sociale.
“Drejtësi për Diegon, gjykim dhe dënim për fajtorët,” shtuan ata.
Maradona, i cili konsiderohet si një nga futbollistët më të mirë të të gjitha kohërave, ndërroi jetë në nëntor 2020 në moshën 60 vjeç, pasi pësoi një sulm në zemër në Tigre.
Ai ka statusin e një hyjnie në vendin e tij që kur e solli atë në fronin e kampionit të botës në 1986.
Argjentinasit përmbytën rrugët e qytetit pas vdekjes së tij për t’i dhënë lamtumirën e fundit.
Teresa Bo, një reportere në Buenos Aires, tha se protestuesit ishin “të bindur që shoqëruesit e Maradonës, ata që ishin pranë tij, ishin “përgjegjës” për vdekjen e tij.
Të hënën, një organ shëndetësor i formuar nga prokurori shtetëror argjentinas u takua për të analizuar vdekjen e Maradonës më 25 nëntor, disa javë pasi ai iu nënshtrua një operacioni në tru.
Hetuesit po përpiqen të përcaktojnë nëse ekipi mjekësor i Maradonës ka trajtuar në mënyrë adekuate ish-futbollistin.
Nëse rezulton se ka pasur gabime në trajtim, përgjegjësit kërcënohen me burgim deri në 15 vjet.
Një ekip prej 20 personash duhet të paraqesë rezultatet e para të hetimit brenda dy ose tre javësh.
Neurokirurgu i Maradonës, Leopoldo Luque, psikiatria Agustina Cosachove dhe psikologu Carlos Diaz, si dhe dy infermierë, janë nën hetim.
“Prokurorët në Argjentinë janë të bindur se njerëzit që rrethuan Maradonën ishin përgjegjës për vdekjen e tij,” tha Bo.
Një autopsi në dhjetor konfirmoi se Maradona, i cili kishte probleme me alkoolin dhe narkotikët për pjesën më të madhe të jetës së tij, nuk konsumoi as në ditët para vdekjes së tij.
Por ai u gjet se kishte probleme me veshkat, zemrën dhe mushkëritë e tij.
Ai po merrte disa ilaçe për depresion dhe ankth, u tha në atë kohë Reuters. /tesheshi.com/
