Protesta merr përpasa më të gjera. Përveç PD-së, edhe veprimtarë të shoqërisë civile janë bashkuar në protestën pranë drejtorisë së policisë së Tiranës.
Ata kërkojnë lirimin e të ndaluarve të ditës së djeshme në protestën e Rrugës së Kombit.
Aktivistja e shoqërisë civile Brizida Gjikondi u shpreh se policia nuk po lejon familjarët dhe avokatin që të takojë protestuesit e ndaluar.
“Nuk shoqërohen kuksianët në Tiranë. E ndalon ligji. Këtu nuk lejohet edhe avokati që ti takojë’ tha ajo.
Një grup aktivistësh të PD-së kanë hyrë brenda në Drejtorinë e Policisë së Tiranës dhe po bëjnë presion që të lirohen të ndaluarit.
Ndërkaq, kryetari PD, Lulzim Basha jo vetëmi ka bërë thirrje kryeministrit Edi Rama të lirohen menjëherë të arrestuarit në Kukës pork a paralajmëruar edhe Arta Markun.
Basha akuzoi se prokuroria po vepron si hetuesi politike e Ramës dhe shtoi se veprat penale për të cilat akuzohen protestuesit janë të lehta dhe mund të hetohen në gjendje të lirë.
Në deklaratën e tij nga selia e PD, Basha kishte edhe një këshillë për kryeprokuroren Arta Marku.
Ai i bëri thirrje që të arrestoje trafikantët e drogës dhe të hetojë ministrat e kryebashkiakët socialistë dhe jo qytetarët që luftojnë për mbijetesë.
“Qytetarët u arrestuan, pasi protestuan për mbijetesën e tyre. Kjo polici dhe prokurori, që lë të lirë Orest Sotën, Agron Xhafën.
Dhe të tjerët, por u hodh duke arrestuar njerëzit e varfër. Aktet për të cilat akuzohen protestuesit janë vepra të lehta. Parashikohet gjobë deri në 3 vite burg. Shumica e qytetarëve janë rrëmbyer në mes të natës pa paraqitur asnjë urdhër ndalimi duke i sjellë në Tiranë, kjo është vepër e rëndë, heqje e paligjshme e lirisë.
Këshilltarët bashkiakë të Kukësit kanë kallëzuar policinë. Kërkojmë lirimin e protestuesve menjëherë pa asnjë kusht, duhet të hetohen në gjendje të lirë. Thirrje kryeprokurores të ndalë së vepruari si hetuesi politike e Ramës”, tha Basha. /tesheshi.com/
