Pas tifozëve të Liverpulit në Angli, janë mbështetësit e Borusias së Dortmundit në Gjermani që kanë protestuar për çmimin e lartë të biletave për të parë një ndeshje futbolli.
Tifozë të shumtë që kishin udhëtuar drejt Shtutgartit për ta ndjekur skuadrën e tyre që do të luante në kuadër të kupës së Gjermanisë, kanë hedhur topa tenisi gjatë ndeshjes, në shenjë proteste ndaj Federatës Gjermane të Futbollit për rritjen e çmimit të biletave.
70 euro për një ndeshje futbolli janë shumë sipas tyre. Kësaj do t’i përgjigjej më së miri baneri i tifozëve
verdhezinj: “Futbolli duhet të jetë i përballueshëm për të gjithë”.
Për çmimin e lartë të biletave protestuan në fundjavë edhe tifozët e Liverpulit në Angli. Në takimin e fundit të skuadrës së tyre, ata vendosën ta braktisin stadiumin në minutën e 77-të, për shkak se kjo shifër simbolizon çmimin mesatar të një bilete. /tesheshi.com/
