Vendimi për të mos lëvizur nga sheshi, shpallur nga kreu i PD-së, Basha gjatë fjalimit të tij në protestë, po shoqërohet me instalimin e 10 çadrave para Kryeministrisë.
Vetë Lulzim Basha do të qëndrojë në shesh deri vonë pas mesnatës. Ndërsa ish-kryeministri Berisha, që padyshim qëndron pas gjithë kësaj skeme e strategjie politike, u largua nga sheshi.
Ky vendim i opozitës sotme të kujton aktin e opozitës së djeshme nën drejtimin e Ramës, ku në pranverën e vitit 2010 u fut në grevë urie për të kërkuar hapjen e kutive, me pretendimin e manipulimit të zgjedhjeve të vitit 2009.
Atë kohë, greva u mbyll pas një kompromisi mes palëve të arritur në restorant “Krokodili” në Strasburg, me ndërhyrjen e ndërkombëtarëve.
Qëllimi i gjithë e kësaj proteste, veç largimit të Ramës para zgjedhjeve, është dhe zhvendosja e vëmendjes nga vettingu, ku i gjithë komunitetit ndërkombëtar është përqëndruar për ta ndjekur dhe mbështetur si proces, por që disa segmente të politikës nuk e duan. /tesheshi.com/
