Për popullin grek, fjala “Maqedoni” është tërësisht e papranueshme si kompromis për zgjidhjen e çështjes së emrit ndërmjet Greqisë dhe Maqedonisë.
Organizata greke “Komitet për luftë për karakterin grek të Maqedonisë”, do të mbajë protesta në 13 qytete më të mëdha të Greqisë veriore kundër përdorimit të fjalës “Maqedoni”.
Sipas paralajmërimeve të organizatës greke, do të mbahet protestë në: Pela, Kavala, Drama, Seres, Kukush, Polikastro, Lerin, Kostur, Ptolemaida, Katerini, Lagadas dhe vendin turistik Mudanja të Hallkidikit. Organizatorët kanë mbështetje nga vetëqeverisja lokale, nga kryetarët e komunave, por edhe nga metropolitët.
Nga ana tjetër, Ministria e Punëve të Jashtme e Maqedonisë (MPJ), dje apeloi deri te qytetarët e Maqedonisë që të përmbahen nga provokimet e mundshme dhe veprimet që do të cenonin sigurinë e tyre.
“Për shkak të mundësisë së eskalimit të protestave, paralajmërohen qytetarët e Republikës së Maqedonisë, që të sigurojnë vendet e qëndrimit të tyre, si dhe të mbrohen nga çdo veprim që do të kishte pasoja për sigurinë e tyre”, thuhet në kumtesën e MPJ-së.
Kujtojmë se bisedimet ndërmjet Greqisë dhe Maqedonisë për ti dhënë fund kontestit historik lidhur me emrin janw drejt fazës finale. Kështu së fundi kanë paralajmëruar edhe dy kryeministrat e vendeve fqinje, Zaev dhe Tsipras. /tesheshi.com/
