Agjencia e lajmeve Reuters njofton për përplasje të dhunshme në qendrën e kryeqytetit grek mes forcave policore dhe protestuesve ndaj reformave ekonomike.
Protesta ndaj reformave të pensioneve dhe taksave u kthye e dhunshme ndërsa 1.300 fermerë të ardhur nga Kreta u drejtuan për nga Ministria e Bujqësisë dhe mësuan se zyrtarët e këtij dikasteri nuk kishin pranuar të takohen me ta.
Policia greke u përgjigj me gaz lotsjellës kur protestuesit nisën të godisnin godinën qeveritare dhe autobusët e forcave të sigurisë.
Skena të tilla të përplasjes së policisë greke me protestuesit ndaj reformave përsëriten herë pas here në Athinë që prej kaplimit të vendit nga kriza ekonomike vite të shkuara.
Greqia gjendet tani në diskutime me kreditorët mbi ndërmarrjen e reformave të tjera ekonomike në kuadër të përmbushjes së detyrimeve të paketës së shpëtimit. /tesheshi.com/
