Mjekët e Spitalit të Traumës kanë vijuar ditën e dytë të protestës për për arrestimin e dy kolëgëve të tyre, Serdi Meminit, 34 vjeç, dhe Ervin Sulajt, 45 vjeç, të cilët akuzohen për korrupsion pasi dyshohet se kanë marrë ryshfet për operacionin e 17-vjeçarit Elmidin Dylit, që u plagos në masakrën e Velipojës.
Gjatë zhvillimit të protestës ditën e djeshme, mjekët thanë se arrestimi i kolegëve të tyre është i padrejtë, duke e cilësuar shkelje të integritetit për bluzat e bardha masën e sigurisë “arrest me burg”, deri në përfundimin e plotë të hetimit.
Në avokatinë e tyre n daj kolegëve, ata iu referuan për alibi thënies së kryeministrit se te ne, në Shqipëri, “faji i është i sistemit dhe jo i individit”, pa e kuptuar se ky është tezë morale dhe jo juridike.
Gjithsesi, juridikisht, mjeku Gentian Stroni ofroi këtë mbrojtje për kolegët e tij.
“Në nenin 228 janë 3 pika, e para të ketë rrezikshmëri sociale. Pika e dytë të prishë provat dhe pika e tretë të largohet nga vendi. Këta mjekë asnjërën prej këtyre kritereve për tu mbajtur në burg nuk e plotësojnë.
Mbajtja e tyre në ‘arrest me burg’ është bërë pa prova dhe thjesht në dyshime. Pra, deri sa të marrë vendime, kjo drejtësi është duke shkelur të drejtat e qytetarëve. Ndoshta edhe për shkak të presionit që kanë mbi drejtësinë.
Ne dalim vetëm për të qenë solidarë me atë kolegë deri në momentin kur vërteton provat.
Sindikata e dënon aktin e mitmarrjes por deri në momentin kur do të ndodhë kjo gjë nuk mund dhe nuk duhet që këta persona të qëndrojnë në burg.
Për momentin po qëndrojnë pa shkak në burg”, tha mjeku Stroni teksa nënvizoi se vendimi është marrë vetëm mbështetur tek një prove të takimit të familjarit me mjekun. /tesheshi.com/
