Protesta maratonë përballë godinës së parlamentit të Shqipëri, kundër ligjit të mbetjeve është shoqëruar me një incident rreth 7 orë pas nisës së tubimit. Policia ka arrestuar dy prej protestuesve, Oltion Z., 31 vjeç dhe Irel E., 31 vjeç, pasi këta të fundit nuk pranuan të hiqnin paletata. Sipas njoftimit të policisë, aktivitstët nuk kishin leje për paleta, pas orës 06.00 e mëngjesit të së enjtes. Dy të rinjtë akuzohen për prishjen e qetësisë publike dhe ka nisur proçedmi penal ndaj tyre në gjendje të lirë.
Protesta e Aleancës Kundër Importit të Plehrave ka nisur që prej orës 23.00 të natës së mbrëmshme. Ata kanë protestuar me pankarta në duar gjatë gjithë natës dhe vijon të jetë aktive edhe përgjatë dtës së sotme, teksa në kuvend mbahet seanca plenare, si dhe po diskutohet mbi këtë ligj.
“Edi, plehrat nuk janë piktura”, “Qëndresë për të ardhmen tonë”, ishin disa nga mbishkrimet e pankartave që mbanin protestuesit, në protestën maratonë.
“Është marrë takim me disa nga personat e ndodhur ne vend si dhe me shtetasin Sazan Guri, me të cilët është rënë dakort që këto paleta të qëndronin aty deri në orën 06:00 të datës 24.11.2016, me qëllim për të kaluar natën tubuesit dhe të hiqeshin nga vetë ata. Në afrimin të orës 06:00, nga ana e shërbimeve të policisë i është kërkuar disa herë heqja e paletave, siç ishte rënë dakord një natë më parë”, thotë policia në një njoftimin e saj.
Ata kanë njoftuar se protesta e tyre do të vazhdojë derisa kërkesa e tyre të merret parasyshë, kundër vendimit për importin e mbetjeve në Shqipëri./tesheshi.com
