Një pjesë studentësh që nuk pranojnë të kthehen në leksione, besnikë të të protestuarit për “8 kërkesat”, kanë vendosur që t’i japin një tjetër formë qëndresës së tyre duke zgjedhur të bllokojnë me karrike e tavolina dyert e fakulteteve.
Ata duan ta vijojnë protestën brenda ambienteve dhe na pamundësi të masivizimit – gjë që jua pamundëson daljen e sërishme në rrugë, pasi një pjesë janë kthyer në auditore pas reagimit qeveritar me plotësimin e pjesës më madhe të kërkesave, duke shtuar dhe ca të tjera – kanë gjetur si forme rebelizmin e brendshëm, ku tashmë kanë përballë dhe drejtuesit e tyre universitarë, apo dhe studentë të tjerë.
Një ditë më parë policia paralajmëroi se nuk do lejonte shkelje ligji, referuar disa incidenteve të së hënës, ku disa student gozhduan dyer fakultetesh.
Ndërsa Rektorati njoftoi se zëvëndësimi orëve të munguara për shkak të protestave, do bëhet të shtunave e të dielave për pesë javë rresht. /tesheshi.com/
