Kryeministri Rama jua bëri të qartë pedagogëve protestues se nuk do ketë rritje page, për të cilën ata kanë lënë auditoret. Së paku jo së afërmi.
Por në fillim, kryeministri i ka “qetësuar” për të përfolurin vetting ndaj tyre.
“Mediat e angazhuara masivisht për ta paraqitur si masive protestën e një pakice pedagogësh, nën udhëheqjen e nongratave e të shiksave të tyre, flasin për gjoja një Veting që do bëka regjimi imagjinar për pedagogët! Asnjë Veting as do bëhet, as është thënë e as është e menduar!”, shkroi i pari i qeverisjes, duke vijuar:
Sa për rritjen e mëtejshme të pagave e përsëris, nuk do të ndodhë deri kur të vijë radha e natyrshme, pas pensionistëve në fundvit dhe pas daljes dimri, kur do të bëjmë bilancet e kostove të mburojës së energjisë elektrike, edhe për familjet e pedagogëve që mbrohen nga qeveria!”, shkroi Rama në Tëitter.
Nga ana tjetër, protesta ka vijuar, me drejtuesin e saj, Aleksandër Kovaçi, i cili ka potencuar të kaluarën e tij arsimore kur ishte nxënës filloreje.
“Sandër Kovaçin e njohin të gjithë. Ekam pasur shkollën 1 orë e 30 minuta larg, e kam nxjerr shkollën me 10 nga klasa e parë deri në tetën. Gjithmonë i kam nxjerrë me të gjitha 10. Nuk vij nga rruga. Nuk duhet të tregohem modest se mendon se ka të bëjë me injorantë këtu. Ai do të nxjerrë injorante dhe profesoratin. Kërkova inxhineri, por më thanë të shkoj në matematikë. Kam mbaruar Matematike 5 vjeçare, mos të shqetësohet se nuk ka të bëjë me një injorant”, tha kreu i sindikatës së pedagogëv universitarë. /tesheshi.com/
