Ndërkohë që kanë mbërritur një pjesë e madhe e protestuesve nga rrethet, policia mësohet se ka bërë gati planet për të qenë e gatshme për një përlasje të fortë.
Siç mësohet nga burime në Ministrinë e Brendshme, janë bërë gati përdorimi i gazit lotsjellës dhe makinave me ujë, që janë parkuar shumë afër protestës.
Ndërkohë të gjithë policët që do të qëndrojnë në Bulevardin Dëshmorët e Kombit janë pajisur me kontragaz, që të mos gjenden si më 21 janar.
Në protestën e vitit 2011 trupat e policisë dolën jashtë funksionit nga efekti i gazit lotsjellës.
Ndërsa mbi godinat pranë bulevardit e përballë Kryeministrisë, ndodhen efektivë me snajpera për të vëzhguar situatën dhe fotografuar protestën.
Në gatishmëri pranë godinës së qeverisë janë ambulanca e zjarrfikëset dhe Forcat Operacionale pas Kryeministrisë duke blinduar zonën. Oficerëve të policisë u është dhënë urdhër që t’u mos u përgjigjen provokimeve dhe të mos ndërhyjnë pa urdhër. /tesheshi.com/
