Në Beograd u mbajt protesta e radhës në një seri të quajtur “One of Five Million” që vijon prej gati tre muajsh, por që ndryshe nga ato të opozitës në Tiranë nuk shënojnë asnjë incident.
Madje aty, në radhën e parë janë figura të artit, kulturës dhe jetës inetelektuale, edhe pse kërkesa është politike për largimin e Vuçiçit nga pushteti.
Ndër shumë folës, ishte dhe avokati Vladimir Gajiç që tha se në 30 vitet e fundit Serbia ka qenë një peng i tre njerëzve – Sllobodan Millosheviçi, Vojislav Shesheljit dhe Aleksandar Vuçiçit.
Propozimi i tij është ndalimi i Partisë Progresiste Serbe, Partisë Radikale Serbe dhe Partisë Socialiste në Gjykatën Kushtetuese, siç tha, “për atë që kanë bërë për 30 vitet e fundit”. /tesheshi.com/
