Me mijëra protestues të partive opozitare maqedonase dhe organizatave joqeveritare janë duke protestuar para qeverisë së Maqedonisë, kundër vendimit të presidentit të shtetit Gjeorge Ivanov për amnisti të politikanëve për veprat penale të dalura nga përgjimet, si dhe kundër mbajtjes së zgjedhjeve të parakohshme parlamentare më 5 qershor.
Protestuesit nuk e kanë ndërmend të shpërndahen dhe vazhdojnë të brohorasin “Nuk ka paqe, nuk ka drejtësi”, “Dorëheqje”, “Poshtë qeveria”.
Nga ajo që vërehet në rrjetin social facebook, portali tesheshi.com mëson se në mesin e protestuesve ka edhe shqiptarë. Analisti i njohur Ramadan Ramadani ka postuar një fotografi me gazetarin Muhamed Zekiri dhe disa të tjerë.
Në momentet e fundit thuhet që protestës i’u është bashkangjitur edhe ambasadori i Britanisë së Madhe, Çarls Gareth.
Për momentin situata është e qetë dhe nuk janë vërejtur incidente.
Nga ana tjetë,r qindra protestues të partisë maqedonase në pushtet VMRO-DPMNE-së kanë dalur në kundër-protesta para godinës së LSDM-së dhe akuzojnë kreun e kësaj partie Zoran Zaev për tradhëti.
Ata madje brohorasin parulla në mbështetje të kreut të VMRO-DPMNE-së, Nikolla Gruevski, si dhe parulla kundër ndërkombëtarëve, konkretisht kundër SHBA-së. Krasniqi /tesheshi.com/
