Autobusë me qytetarë janë nisur nga qytete të ndryshme të Kosovës drejt Prishtinës për të marrë pjesë në protestën e dy partive opozitare AAK e NISMA.
Këto dy parti thonë se protesta do të jetë masive edhe pa Vetëvendosje-n, e cila nuk e përkrah protestën e sotme.
Por, nga fotot e publikuara nga deputetë të caktuar nga autobusët nuk duket se protesta do të jetë e madhe.
Deputetja e NISMA-s Shkurije Bytyqi ka publikuar foto nga autobus ku shihen me qytetarë duke udhëtuar drejt Prishtinës.
“Falënderoj të gjithë qytetarët që sot masivisht do të jenë në protestën gjithëpopullore!”, ka shkruar ajo.
Por, nga fotoja e publikuar shihet qartë se brenda autobusit ka vende të lira, pra nuk është i tëri i mbushur me qytetarë andaj kjo është një shenjë që protesta nuk do të jetë aq masive sa po e proklamojnë organizatorët. /tesheshi.com/
