Bashkimi Europian ka qenë në të njëjtën valë me SHBA sa i përket qëndrimit karshi dhunë së ushtruar në protestën e opozitës. Në një deklaratë për median, zyra e BE-së në Tiranë ka theksuar se “kthimi te dhuna është i papranueshëm”, dukë lënë të nënkuptuar se dhuna e së martës është rikthim tek 21 janari i 4 viteve më parë.
“E drejta e qytetarëve për të shprehur shqetësimet dhe pakënaqësinë përmes protestës paqësore është një tipar thelbësor i demokracisë moderne evropiane dhe si e tillë duhet ruajtur. U raportua një numër aktesh dhune dhe vandalizmi. Kthimi te dhuna është i papranueshëm. Shqipëria përballet me një agjendë të vështirë reformash në lidhje me procesin e integrimit të saj evropian. Ne u bëjmë thirrje gjithë partive dhe nëpunësve publikë, përfshirë veçanërisht opozitën, që ta dënojnë dhunën dhe të angazhohen në një dialog politik konstruktiv”, thuhet ndër të tjera në deklaratën e BE-sës, reagim ndaj protestës së opozitës. /tesheshi.com/
