Ministri i Punëve të Brendshme, Fatmir Xhafaj priti në zyrën e tij, tre ambasadorët më të angazhuar në krizën politike shqiptare, Donad Lu, Romana Vlahutin dhe Bernd Borchardt.
Edhe pse nuk ka të dhëna zyrtare nga takimi, thuhet se në fokus të bisedës ka qenë përgatitja për protestën e 13 majit në Tiranë, afrimi i së cilës po shton zërat për destabilizim.
Opozita ka paralajmëruar një protestë të qetë, mirëpo mbërritja e shumë qytetarëve nga rrethet dhe masiviteti që pritet të ketë protesta duket se kanë vënë në lëvizje autoritetet. Pritet që protesta të shoqërohet me masa të rrepta sigurie. /tesheshi.com/
