Gjatë incidenteve të sotme në Mushisht të Suharekës, është fiksuar dhe pamja e një protestuesi kosovar të gjakosur në fytyrë. Por për autoritetet policore të Kosovës, ai nuk është dhunuar nga policia, por ndoshta gabimisht nga të tjerë protestues. Policia njofton se janë arrestuar 24 prej tyre, ndërsa disa të tjerë janë lënduar nga gjuajtjet me gurrë, por nga ana e tyre.
Nexhmedin Krasniqi, komandanti i Policisë rajonale në Prizren, nxorri këtë deklaratë, nëpërmjet së cilës e cilësoi protestën e shqiptarëve kundër riardhjes në fshat të një grupi serbësh, si të dhunshme.
“Në Mushtisht sot ka qenë e paraparë të mbahet një vizitë e disa serbëve nga Serbia, për shkak të një feste që e kanë pasur. Këtu ka pasur një numër bukur të madh të qytetarëve edhe të rrethinës së Mushtishtit, por ka pasur edhe njerëz të tjerë jashtë fshatit Mushtisht. I kanë shprehur pakënaqësitë e veta, ka qenë një protestë jopaqësore, ka qenë bukur e dhunshme. Policia ka kryer punën e vetë profesionale dhe është mundu që të sigurojë lëvizje të lirë për pelegrinët serbë. Nga qytetarët ka të lënduar, por nga ana e protestuesve e jo e Policisë, sepse ne vet ishim në vend të ngjarjes dhe pamë kur protestuesit hodhën gur që rroki qytetarin i cili ka qenë protestues duke i shkaktuar gjakderdhje në kokë”, sqaron komandant Krasniqi në deklarimin e tij. /tesheshi.com
