Para Kuvendit në Podgoricë, disa mijëra qytetarë malazezë u mblodhën duke kërkuar tërheqjen e amendamenteve të Ligjit për Presidentin, zhbllokimin e Gjykatës Kushtetuese dhe zgjedhjet urgjente të jashtëzakonshme parlamentare.
Në protestën e tretë të lëvizjes “Ima nas”, qytetarët mbanin flamujt e Malit të Zi, SHBA-së, Ukrainës dhe BE-së, si dhe pankarta ku shkruhej “Ima nas”, “Nuk do t’ju japim Malin e Zi” dhe “Ne duan zgjedhje”.
Aktivisti qytetar Predrag Vushurovic tha se janë mbledhur për të mbrojtur Kushtetutën.
“Kërkojmë që të parandalohet rrëzimi i rendit kushtetues dhe të tërhiqet ligji puçist antikushtetues për Presidentin. Kërkojmë të arrihet një marrëveshje për gjyqtarët e Gjykatës Kushtetuese, për të pasur një subjekt funksional dhe për të krijuar kushtet për mbajtjen e zgjedhjeve të jashtëzakonshme parlamentare”, tha ai.
U theksua se po kërkojnë zgjedhje të jashtëzakonshme parlamentare, që Mali i Zi të ketë një qeveri me përgjegjësi shtetërore, e cila do të punojë për të mirën e qytetarëve.
Deputetja e SDP-së Draginja Vuksanoviç-Stankoviç tha se “ka nga ne që i thonë një jo të madhe politikës antimalazeze, antievropiane, primitive, kleriko-nacionaliste, tradhtare, serboadhe”.
“Nuk do të kalojë synimi për të nënshtruar Malin e Zi. Nuk kaluan as tentativat e Millosheviçit gjatë viteve nëntëdhjetë, kështu që nuk do të kalojnë as këto të Vuçiçit në Malin e Zi të lirë dhe sovran”, tha Vuksanoviç-Stankoviç. /tesheshi.com/
