Protesta anti-komuniste në Kubë: “S’kem ilaçe, “Kemi uri”, “Liri demokraci”…(pamje)

Mungesat e ushqimit, çmimet e larta dhe rregulli komunist janë arsyet e demonstratave masive në Kubë, më të mëdhatë në tre dekadat e fundit.

Protestat filluan në qytetin e San Antonio de los Baños në perëndim të ishullit dhe në qytetin e Palma Soriano në lindje.

Lajmi për protestat u përhap shpejt në Havana, ku mijëra njerëz marshuan dhe brohoritën “atdhe dhe jetë” dhe “liri”, sipas The Guardian.

“Unë jam këtu për shkak të urisë, sepse nuk ka ilaçe, për shkak të ndërprerjes së energjisë. Sepse gjithçka po mungon“, tha një burrë në të 40-at e tij.

“Unë dua një ndryshim total të qeverisë, zgjedhje shumëpartiake dhe një fund të komunizmit”, tha një tjetër.

“Ne jemi këtu sepse jemi të uritur dhe të varfër. Nuk kemi ushqim. Nuk kemi asgjë”, tha 17-vjeçari Yusniel Pérez, duke mbajtur gurët në duar.

Në 3 pasdite me kohën lokale, të gjitha kanalet televizive transmetuan një fjalim nga Presidenti Miguel Díaz-Canel, i cili tha se “destabilizimi në vendin tonë do të ndeshë me një përgjigje revolucionare”.

Mbështetësit e qeverisë kanë akuzuar protestuesit anti-qeveritarë si mercenarë të paguar nga Shtetet e Bashkuara të cilët shpenzojnë rreth 20 milion dollarë në vit për “promovimin e demokracisë” në ishull.

Kubanët po përjetojnë krizën më të rëndë ekonomike në 30 vjet. Dy vjet më parë, ish-Presidenti i SHBA Donald Trump vendosi rreth 200 sanksione të reja që vunë nën presion të madh ekonominë dhe shoqërinë Kubane.

Julie Chung, Ndihmës Sekretare për Hemisferën Perëndimore, gjithashtu komentoi mbi protestat.

“Ne jemi thellësisht të shqetësuar për thirrjen për të luftuar në Kubë. Ne mbështesim të drejtën e popullit kuban për tubime paqësor. Ne bëjmë thirrje për qetësi dhe dënojmë çdo dhunë,” tha Chung. /tesheshi.com/