Në Beograd janë protesta masive në mbështetje të Rusisë, kështu që ky qytet, së bashku me disa në Republika Srpska në Bosnje, u bënë të vetmin në botë që mbështesin agresorin ndaj Ukrainës.
Në to, ndodhi që emri i kriminelit të luftës Ratko Mlladiç u brohorit dhe u lavdërua.
Dhe ndër reagime për këtë lloj zhvillimi është ai i Vojin Mijatoviç, nënkryetar i Partisë Socialdemokrate të Bosnjës.
“Gjysmën e jetës time e kalova në Beograd”, shkruan ai, duke shtuar, “dhe e di shumë mirë se çfarë është Beogradi”.
“Më lëndojnë skenat e mbrëmshme sepse gjithçka është antiqytetëruese, antinjerëzore, antiserbe.
Vetëm tani është e qartë si dita se vrasja e Zoran Gjingjiqit vrau të ardhmen e Serbisë”, thotë Mijatoviç.
Dhe ai është i mendimit se “prej atyre ‘pacientëve’(përcaktim ironik për mbëshetësit e Rusisë), populli serb po detyrohet në izolim dhe zhdukje të mëtejshme, për turpin dhe përbuzjen e gjithë botës”.
“Unë ende dua të besoj se ata nuk janë shumicë në Beograd dhe Serbi dhe se Beogradi im do të ketë forcën të përballet me anën e keqe të vetvetes!”, përfundoi ai.
Ai u mbështet në këto komente nga Hana Haxhiavdagiç, një blogere e njohur e cila ndiqet nga më shumë se 663 mijë ndjekës në Instagram, e cila shkruan:
“Budallenjtë janë gjithmonë më të zhurmshëm se bota normale. Beogradi është diçka tjetër dhe unë besoj fort në këtë.” /tesheshi.com/
