Seanca e Kuvendit të Shqipërisë ka nisur me debate mes kryeparlamentarit Gramoz Ruçi dhe kryetarit të PD-së, Lulzim Bashës.
Duke marrë fjalën, Basha i ka kërkuar Ruçit që të zbatojë rregulloren, dhe të mos përdorë shumicën e kartonave për ta shkelur atë.
Sherri në fjalë ka nisur pasi kreu i PBDNJ-së Vangjel Dule ka kërkuar që të hiqet nga rendi i ditës, projektligji për pakicat.
“Zoti Ruçi po e ktheni nga absurd, në qesharak e tragjik. Rregullorja fare qartë përcakton mënyrën e funksionimit. Detyra jote është të zbatosh rregulloren. Fatkeqësi e madhe për vendin është problemi i burrave e grave që nuk marrin mundimin të mendojnë.
Nuk mund ta ndryshosh rregulloren me votë, mësoje këtë, zbato rregulloren. Mos i vër kazmën. Ndoshta e ke porosi si javën e kaluar, por s´dua që seanca të përfundojë si herën e kaluar. Nuk je ti ai që fut dhe heq ligjet nga rendi i ditës, mësoje këtë. Mblidh i nstitucionet e Kuvendit, siç e përcakton rregullorja”, deklaroi Basha.
Por, edhe pas këtyre deklaratave, Ruçi ka hedhur në votim propozimin e Dules, duke bërë kështu që deputetët e mazhorancës të mos nxjerrin nga rendi i ditës projektligjin për pakicat. /tesheshi.com/
