“Kulaç dhe kërbaç” është ajo çfarë paralajmërohet në metodologjinë e re për anëtarësim në Bashkimin Evropian, e paraqitur nga Komisioni Evropian sot në Bruksel.
Një grup i partive evropiane të djathtë dhe të qendrës, bënë thirrje që negociatat e anëtarësimit në BE të jenë “më efektive, me një njohuri më të madhe për të gjithë”, dhe të përqendruara politikisht.
“Përparimi në negociata duhet të shpërblehet dhe interesat e Bashkimit Evropian të mbrohen më mirë nëse një vend negociues ngec pas”, tha zëdhënësi EPP (Partive Popullore Europiane), Michael Gahler.
Deklarata sqaroi se shpërblimi i kandidatëve për përparim të prekshëm në negociata duhet të bëhet përmes “integrimit më të shpejtë të këtij vendi në programet sektoriale evropiane, ose të shpejtojë vendimet për të kaluar në një fazë më të lartë të negociatave”.
Siç tha Gahler, “Bashkimi Evropian duhet të nxjerrë mësime nga përvoja e negociatave në të kaluarën, përfshirë Turqinë”, me të cilën negociatat praktikisht u pezulluan.
“Ne kemi nevojë për një mekanizëm të fortë, që ose të pezullojë negociatat ose të ndryshojë objektivin përfundimtar nëse vendi kandidat largohet nga udhëzimi i BE”, thuhet në një deklaratë nga grupi më me ndikim i partive në BE.
“Dhe, më e rëndësishmja, vendet që punojnë me zell dhe i afrohen nivelit të BE-së duhet që përpjekjet e tyre shpërblehen,” vuri në dukje Gahler.
Deklarata përfundon se PPE po kërkon “fokus më të madh politik” në politikën e zgjerimit të BE-së dhe theksoi se politika “duhet të vazhdojë të jetë një mjet për përparimin e vlerave, stabilitetit dhe përparimit evropian përtej kufijve të Bashkimit Evropian”.
Ndër të tjera, paralajmërohet konsolidimi i disa kapitujve të bisedimeve në të ashtuquajturat grupe në mënyrë që fokusi politik i vendeve kandidate të përqendrohet në sektorët kryesorë, por edhe sanksione në rast të mosimplementimit të reformave të nevojshme dhe pranueshmërisë. Kjo e fundit është pjesa e “kërbaçit”.
Në një reagim për këtë zhvillim, Komisioneri i Zgjerimit të BE-së, Oliver Varhelyi, tha se qëllimi i Bashkimit Evropian mbetet zgjerimi i plotë në Ballkanin Perëndimor.
Duke prezantuar metodologjinë e re të procesit të pranimit, Varhelyi tha që procesi i pranimit në BE do të fillojë dhe përfundojë me reformat e sundimit të ligjit.
Ai shtoi se publiku dëshiron që BE të jetë në gjendje të kthejë procesin e negociatave nëse vendi aspirant shteti dështon t’i përmbushë detyrimet e tij. /tesheshi.com/
