Kreu i Partisë së Majtë në Gjermani kërkon t’i japë çdo fëmije në Gjermani 50 mijë euro. Çfarë qëndron pas kësaj ideje?
Martin Schirdewan kërkon një dhuratë prej 50,000 euro për çdo fëmijë në Gjermani për ditëlindjen e 18-të, duke u arsyetuar kështu:
“Trashëgimia primare është ajo që përcakton pasurinë dhe varfërinë në Gjermani”, tha Schirdewan për mediat gjermane. Më shumë se 100 miliardë euro trashëgohen çdo vit, por jo në mënyrë të barabartë: “Dhjetë përqindëshi kryesor i trashëgimtarëve dhe përfituesve së bashku janë afërsisht të njëjtë me 90 përqindëshin e fundit”.
Schirdewan mbron që njerëzve me pasaportë gjermane ose vendbanim kryesor në Gjermani t’u paguhet një lloj trashëgimie bazë e barabartë me të ardhurat e tyre mesatare vjetore në ditëlindjen e tyre të 18-të. Kjo do të ishte rreth 50,000 euro bruto. Ky do të ishte “një kompensim i vogël për padrejtësinë e shpërndarjes së pasurisë”, tha Schirdeëan.
Për të rinjtë që tashmë kanë trashëguar diçka, pagesa duhet të kompensohet: “Nëse dikush trashëgon 50.000 euro pas tatimit para se të mbushë 18 vjeç, merr vetëm gjysmën e parave, pra 25.000 euro, si trashëgimi bazë. Nëse dikush trashëgon më shumë se 100.000 para këtyre eurove nuk merr asgjë për sa i përket trashëgimisë bazë”.
Edhe nëse dikush do të merrte diçka, ajo konsiderohet një trashëgimi bazë, sipas idesë së liderit të së majtës, gjysma duhet të mbahet derisa të arrihet vlera e 50 mijë eurove. Për ta financuar këtë, Schirdeëan kërkon të “rrisë në mënyrë drastike” taksën e trashëgimisë me shumën prej dy milionë eurosh. E majta aktualisht është nën një presion të madh, ndaj kjo deklaratë e politikanit të lartpërmendur nuk është befasuese. Partia ka vite që ka humbur votues, prandaj anëtarët e saj po bëjnë lëvizje të tilla populiste. /tesheshi.com/
