Ministria e Mbrojtjes së Federatës Ruse kanë publikuar sot, siç thonë ata, “prova të pakundërshtueshme” se SHBA po ndihmon terroristët në të ashtuquajturin shtet Islamik. Problemi ishte se të ashtuquajturat dëshmi ishin në fakt një screenshot e një video-loje, shkruan BBC.
Nga ministria kanë pohuar se “fotografia” tregon një kolonë të luftëtarëve të ISIS-it duke braktisur qytetin sirian me ndihmën dhe përcjelljen e forcave ushtarake amerikane, ndërkohë që ajo ishte në të vërtetë një screenshot i lojës AC-130 Gunship Stimulator: Squadron Speciale Ops.
Disa orë pasi është zbuluar mashtrimi, Ministria e Mbrojtjes ka hequr njoftimin e diskutueshëm, me shpjegimin se “punonjësi gabimisht kishte vendosur foto të gabuara”.
Sa i përket fotografisë nga video-loja, ajo është marrë nga videoja promovuese në faqen e internetit të lojës dhe në kanalin e tyre në YouTube, vetëm se nga screenshot janë hequr me kujdes kontrolli i lojës dhe informacionet në ekran. /tesheshi.com/
