Ministria e Brendshme e Rusisë po ndërton një kopje të Rajhshtagut në një park me temë ushtarake në periferinë e Moskës, për të lejuar që fëmijët patrotikë rusë të rivënë në skenë sulmin ndaj ndërtesës gjatë hyrjes së sovjetikëve në Berlin në vitin 1945.
Planin e njoftoi vetë ministri rus i Mbrojtjes, gjatë një fjalimi në Duma, parlamentin rus.
“Ne po ndërtojmë Rajshtagun në Parkun Patriotik”, tha ai. “Jo me të gjitha detajet, por të plotë. Tashmë, të rinjtë e ushtrisë sonë mund të sulmojnë jo vetëm gjëra të tejkaluara, por edhe ndërtesën”.
Ushtria e Rinisë u krijua në vitin 2015, për t’u mundësuar të rinjve, edhe në moshën e njomë 10-vjeçare, të marrin trajnim ushtarak dhe “edukim patriotik”. Hapja e parkut patriotik nga presidenti Vladimir Putin përputhet në të njëjtin vit, përputhet me të njëjtin trend të rritjes së nacionalizmit rus pas aneksimit të Krimesë në vitin 2014.
Parku paraqet gjithashtu kopje të armatimeve ushtarake ruse, sikundër edhe një hapësitë ekspozimi, dyqane dhe lojëra elektronike me tema ushtarake. Në vitet e fundit, fitorja sovjetike në Luftën e Dytë Botërore është shndërruar në një pjesë të rëndësishme të ideologjisë së Putinit, që e përdor si një pikë përbashkimi në tubimet e tij. Dita e Fitores më 9 maj është bërë një nga ditët më të shënuara në kalendarin rus.
Ngritja e flamurit sovjetik në majë të Rajshtagut është një nga imazhet më ikonë të sovjetikëve në betejën që rezultoi me rënien e Berlinit. Në ditën e fitores, në vitin 2015, lideri çeçen që gëzon mbështetjen e Kremlinit, Ramzan Kadyrov, ngriti një kopje tallëse të Rajshtagut në qendër të Groznit.
Ushtarë me uniforma të periudhës sovjetike vrapuan drejt tij, duke qëlluar për vdekje figura me kostume nazistësh. Pas “marrjes” së ndërtesës, ushtarët sovjetikë i shoqëruan ushtarët nazistë përmes rrugëve të qytetit dhe hodhën flamujt me zvastika dhe banera të tjera nazistë në këmbët e Kadirovit.
Ndërkaq, ministri Shoigu nuk specifikoi se kur do të përfundojë modeli i ri i Rajshtagut dhe se kur publiku do të jetë në gjendje të inskenojë sulmin, apo nëse këtë të drejtë do ta kenë vetëm anëtarët e ushtrisë së Rinisë.
Gjatë fjalimit në Duma, Shoigu gjithashtu, përmendi se ushtria ruse tashmë ka një division kibernetik, detyra e të cilit ishte të përballte propagandën e huaj për Rusinë. Shoigu tha se kundër-propaganda duhet të jetë “e zgjuar, kompetente dhe efektive”.
Në Europë, po rritet druajtja për përfshirjen e mundshme ruse në zgjedhje, pasi agjencitë sekrete amerikane konfirmuan se hakera që punonin për qeverinë ruse, sulmuan serverat e Partisë Demokratike gjatë zhvillimit të fushatës presidenciale të nëntorit, me synimin e dukshëm për të ndihmuar në zgjedhjen e Donald Trump.
Përgatiti: Juli Prifti – /tesheshi.com/
