Të veshura me një uniformë infermiere që të kujton epokat e shkuara, si dhe me emblemën “Z” të pushtimit rus, “Motrat e Fitores” – një grup muzikor me influencues, modele, studente dhe vajza të tjera të reja nga rajoni i Luhanskut – u gjetën në Pashkë, në anën e ushtarëve rusë që duan të “rrisin moralin e tyre”.
Sipas Daily Mail, qëllimi kryesor i grupit të vajzave të reja është promovimi i propagandës ruse të luftës, ndërkohë që shumë postime në internet dhe mediat sociale ruse raportojnë se ato janë “gratë dhe të dashurat” e ushtarëve që shërbejnë në Ukrainë.
Në fotot dhe videot që po qarkullojnë në internet, anëtarët e grupit duket se u ofrojnë ushtarëve rusë ëmbëlsira dhe imazhe fetare me rastin e Pashkëve Ortodokse.
https://twitter.com/i/status/1518018612858171392
Pak ditë më parë, “Siostri Pampedi” (siç quhet grupi në rusisht) publikoi videoklipin e një kënge që kërkon “të bindë të rinjtë në Rusi se lufta është e nevojshme”, siç thekson gazeta britanike.
Mes anëtareve të grupit është Aliona Boykon, e cila ka mbi 30 mijë ndjekës në TikTok dhe Instagram. “Mesazhi i saj propagandistik për ushtarët ishte ky: Është e rëndësishme që ne të mos dorëzohemi tani, të bëhemi më të fortë pavarësisht vështirësive. Vështirësitë do të kalojnë dhe herët a vonë çdo gjë do të shkojë mirë”, shkruan Daily Mail.
Девојке из ЛНР – "Сестры победы" 🙂❤🇷🇸🇷🇺👇 pic.twitter.com/87TrxAZOY4
— Д о к о л е н к о ® 🐝💤 (@dokolenko) April 20, 2022
Violeta Moskalenko, e cila ka 3000 ndjekës në Instagram, është një modele që mori pjesë në Javën e Modës në Luhansk.
Të tjera “infermiere” janë modelja Maria Okorokova dhe aktorja Anastasia Tsepurova.
Легендарное музыкальное произведение "Красная армия всех сильней" в новом видеоклипе женского молодежного движения #ЛНР "Сестры Победы" в исполнении поп-группы "Sobor”. Победим врага вместе, да здравствует наша великая армия!!! pic.twitter.com/yGxsRPScQ7
— Peter (@pip525) April 27, 2022
Valeria Rusina është studente e mjekësisë dhe Sofia Varabirova është mjeke pediatre. Anastasia Migal është studente e drejtësisë dhe kampione në hedhjen e diskut. “Në gjashtë vite kam fituar 54 medalje dhe 70 tituj. Me gjithë arritjet e mia të shumta, shumë fitore ende më presin”, thotë ajo. /tesheshi.com/
