Ambasadori i Britanisë së Madhe, Ruairi O’Connell, ka bashkëbiseduar me qytetarët e Kosovës përmes rrjetit social Facebook për një orë, ku i është përgjigjur pyetjeve të tyre.
Duke folur për përgjimet dhe nepotizmin, O’Connell ka thënë se një gjë e tillë nuk është risi apo e padëgjuar më parë.
“Kohën e fundit kemi dëgjuar bisedat telefonike të zyrtarëve të lartë shtetëror dhe ndikimin që këta zyrtarë kishin në punësimin e të afërmeve të tyre. Kjo nuk është risi, apo diçka që nuk e kemi ditur. Punësimi për t’i bërë nderë dikujt apo për të kthyer borxhin ndaj dikujt është gabim. Shteti nuk funksionon ashtu. Nepotizmi është një kancer që mbyt shtetin. Praktika dhe kultura e nepotizmit duhet të shkatërrohet”, ka thënën O’Connell.
Ndërsa, sa i përket liberalizimit të vizave dhe ratifikimit të demarkacionit kufitar me Malin e Zi, ambasadori O’Connell ka thënë se liberalizimi i vizave është çështje për grupin e Schengenit dhe se Britania nuk është anëtare i këtij grupi./tesheshi.com/
