Zëdhënësi i Fredi Belerit, atij që pretendon se po mbron pronat e Himarës nga grabitja, ka bërë një deklarim, i cili mund të hapë një debat delikat mbi një çështje të nxehtë, por të patrajtuar ndonjëherë, atë të pronave të jugut, përfshirë dhe Bregun, nga Borshi e poshtë, deri në Konispol.
Sipas një zyrtari minoritar që ka qenë pjesë e një projekti të Bankës Botërore mbi pronat e Bregut gjatë qeverisjes së Berishës, thënë në kofidencë, që nbga Borshi e deri në Konsipol, me qindra hektarë tokë janë prona vakëf të Komunitetit Musliman Shqiptar, ashtu siç fshatrat e minoritetit kryesisht në Vurg janë mbi tokat e bejlerëve të Gjirokastrës e Delvinës, sipas dokumentave kadastralë.
Ndërsa zëdhënësi i Belerit, Skerdian Dhuli, ja ç’deklaron:
“Është hera e parë që e them në publik: më del që Komuniteti Mysliman, nuk e di në cilën periudhë, më del që po përdoret në Borsh për falsifikim pronash. Mbaj përgjegjësi publike për këtë, e kam të verifikuar. Është pronë publike në Borsh që Komuniteti Mysliman e pretendon si të vetën, por më rezulton që pas komunitetit lidhen persona, që nuk i ndaj dot nëse janë oligarkë apo pjesë e krimit të organizuar. Komunitetet fetare në Shqipëri kanë pasuri pafund dhe lufta më e madhe bëhet për administrimin e këtyre pronave”, tha Dhuli.
Ky “ushtar” i Belerit duhet ta dijë se nuk ka gjasë që Komuniteti Musliman Shqiptar, nga çdokush që mund të udhëhiqet, të pretendojë prona që nuk janë të tijat, pra të merret me falsifikim pronash. Por siç është pohuar nga vetë zyrtari minoritar, nga Borshi e poshtë shumica janë prona vakëf, siç ka qenë dhe Syri i Kaltër, paradoksalisht me një minikishë në hyrje, ndërtuar pas 90-ës me kushedi ç’qëllime.
Këtij zëdhënësi të Belerit i duhet thënë se mjaft që Livadhjaja, kryefshati i minoritetit në jug dikur quhej Hoxhë, një tregues ky mjaft kuptimplotë. /tesheshi.com/
