Dekreti i presidentit Bujar Nishani për rrëzimin e ligjit për pronat po shqyrtohet me qetësi nga Komisioni i Ligjeve, i cili do të çojë për votim jo vetëm qëndrimin e presidentit dhe mendimin e tij, por edhe një amendament të ish-kreut të Parlamentit, Jozefina Topalli.
Përfaqësues të Presidencës deklaruan në komision se “nuk mund të kthehemi pas me ligjin e pronave, pasi ky ligj prek parimet themelore, siç është siguria juridike.”
Ndërsa zv/ministri i Drejtësisë, Peçi tha se “ligji nuk cënon sigurinë juridike. Ky ligj i jep fund situatës së krijuar me pronat në këto 25 vite”
Po ashtu, Komisioni i ligjeve do të shqyrtojë edhe nismën e deputetes Jozefina Topalli e cila kërkon të zgjasë afatin e ligjit aktual të kthimit dhe kompensimit të pronave. /tesheshi.com/
