Dallas, nuk është një qytet i njohur për bamirësi. Këtë javë, temperaturat u ulën shumë, duke lënë mjaft të pastrehë në kushte ekstreme dhe duke bërë që të rrezikojnë edhe jetën.
Shumë nga këta njerëz nuk janë pranuar në shtëpi strehimi dhe janë të detyruar të kalojnë ditët dhe netët e tyre në rrugë. Një dyqan Dallas Taco, i njohur si Taco Stop, mori një vendim për të bërë çdo gjë që për të ndihmuar që të pastrehët të gjenin sadopak ngrohtësi.
Është viti i dytë që pronarja e dyqanit, Emilia Flores, ka vendosur një raft mbajtësesh për pallto jashtë dyqanit të saj. Flores e kishte parë këtë ide për herë të parë kur ajo ishte në Meksikë dhe vendosi për të sjellë atë edhe në Dallas.
“Kjo është një mënyrë që njerëzit të mos ndihen në siklet për të pyetur”, tha Flores. “Ata vetëm vijnë, zgjedhin atë që kanë nevojë dhe largohen.”
Si për të pastrehët, për personat me të ardhura të ulëta, apo për ata “të pafatët”, qëllimi i vetëm i Flores është që të jenë të sjellshëm kundrejt atyre që janë në nevojë.
“Me hapa të vegjël, ju mund të bëni ndryshimin,” tha ajo. “Dhe këtë vit kam menduar se bota është aq e polarizuar dhe vendi është aq i polarizuar, dhe kjo është vetëm një mënyrë për të treguar se mund të bëjmë disa gjëra të vogla për të thjeshtuar jetën e njerëzve”.
E tërë garderoba me veshje u vodh 4 herë vitin e kaluar, por Flores dhe klientët e saj e zëvendësonin atë çdo herë. Nëse e njëjta gjë ndodh këtë vit, do të veprohet përsëri në të njëjtën mënyrë. Për ata që kanë nevojë do të ketë gjithmonë veshjet në “The Taco Stop”./tesheshi.com/
