E motra e të ndjerit, tashmë dhe ajo në radhët e Policisë së Shtetit, mes lotësh tha e Ibrahimi ishte njeriu më i mirë që kishte njohur në jetën e saj.
“Ti vëlla, e flijove jetën tënde në emër të paqës dhe të qetësisë, në emër të atdheut. Ti besoje me gjithë forcën tënde tek ligji, tek uniforma, tek rregulli dhe u shndërove në simbol të përpjekjeve të çdo punonjësi policie, për vënien e rendit dhe respektimit të ligjit. Veprat e tua ishin të mëdha. Duke shpresuar se nje ditë do të të shohim përsëri unë jam dhe mbetem krenare për ty. Faleminderit”
Në promovim ishin dhe drejtori i përgjitshëm Haki Çako, si dhe z/ministri i Mbrojtjes Petro Koçi, të cilët përcollën konsiderata të larta për Ibrahim Bashën.
Libri kushtuar ish-policit, ka për autor gazetarin e njohur Kujtim Boriç dhe Arben Duka. /tesheshi.com/
